زاهر خليل : عيل ساو

اعقل ياض بطل تهييس 
شايفك لعبة في ايد ابليس
بطل تبقى حد خبيث
وتعكر بين الناس الجو


اعقل ياض بطل تلاقيح

قدم فن يكون بصحيح
يفيد الناس ميكونش قبيح
لاحسن ليك اتحول عو
واقدر اجيبك انا في التو
بطل تبقى عيل ساو

اوعاك تكتب يوم كومنت
يدايق شاب او يخنق بنت
خليك راجل ياض ع النت
ربنا كشفك لو في الهو

اعقل ياض كده غني الحب
صحصح خلي عندك قلب
ليه طبعك يبقى طبع الكلب
ادام بيتك بتقول هاو

كن انسان صانع عطاء
خلي البيئة اجمل اجواء
جمل فيها وفي الأنباء
وانت هتعلا لأرقى علِو
واياك تطلع عيل ساو

اوعاك تكتب يوم كومنت
يدايق شاب او يخنق بنت
خليك راجل ياض ع النت
ربنا كشفك لو في الهو .

كلمات : زاهر خليل

تعليقات

إرسال تعليق

المشاركات الشائعة