ملياردير || قصيدة عامية بقلم الشاعر زاهر خليل من ديوان واحد من الشعب
انا فقير والفقر راكبني
ماسك فيّ ومش بيسبني
واللي خنقني ومعصبني
الناس فاكرني مليردير
حتى الأهل عينها في ورثي
ركبها الجهل وحازة في نفسي
وده مش سهل ياناس ع الكرسي
عايشة تضيع حق الغير
نص العمر واكتر حبة
ضاع بسببكم كده في بلاش
بس الدنيا دي اكبر كدبة
محدش كمل فيها وعاش
كان نفسي اتجوز بنت حلال
بس الناس تفكرها المال
وانا حد بسيط على أد الحال
وضايع حقي وحملي جبال
عشان مش باخد دايما بدي
وكلي نشاط كده وتحدي
ومداري الحزن وكاتم فيَّ
شكلي في عيني كبيرت شوية
حلمي اشوف الناس محترمة
بتدي الحق بتعرف قيمة الكلمة
بأخلاقها تنور وسط الضلمة
مش اخ بياكل حق اخوه
وابن بيلعن امه وابوه
واب يبيع بنته لمظهر خايب
وام غيرتها تسوي عجايب
مجتمعكم كله نفاق ومظاهر
مشوفتيش فيكم واحد طاهر
عمري ما اقبل اعيش زيكم
وهفضل دايما واضح زاهر
اشكر ربي واتعب واسعى
وحقي الضايع بنكم راجع
اصل انتو بجد عقولكم لسعة
ونصحي اصبح شيء مش نافع
لكن موتكم جاي بيقرب
محدش منكم يقدر يهرب
وهتموتوا وتصحوا تشوفوا حقيقتي
واد ايه هي عالية عليكوا مكنتي
واحفادكم برضو راح تنساكم
اما انا هيعيش الكل فاكرني
ثق في الله الذي سواكم
سبحانه محال ابدا يخذلني
حسَّن صورتي وحسَّن خُلقي
وعلمني الحكمة عليكم بلقي .
قصيدة عامية
بقلم الشاعر
زاهر خليل
تعليقات
إرسال تعليق